مشاكل منشئ المحتوي علي الفيسبوك :
- طبعا منقدرش ننكر فضل ميتا علينا ( وخصوصا فيسبوك ) اللي هي إحدي شركات فيسبوك بالإضافه إن حضرتك شخص مجتهد جدا كلفت نفسك :
1- إنشاء صفحه علي موقع التواصل الإجتماعي فيسبوك.
2- عملت محتوي خاص بيك إنت.
3- جبت ناس تشتغل في المونتاج لفيديوهاتك وفتحت باب رزق لغيرك.
4- جبت موديريتر بمبلغ عشان خاطر خطة نشر المحتوي بتاعك.
5- حققت أكثر من 5000 متابع.
6- حققت كمان 60 الف دقيقه مشاهده.
7- لم تخالف سياسات المجتمع الأمن بتاع ميتا تماما خالص.
8- في خمس فيديوهات نشطه علي فيسبوك ولاتوجد إنتهاكات لتحقيق الأرباح.
- طبعا كل ده مقدر ياعزيزي بس علي منصة ميتا تعبك ده لوجه الله خلاص بقي ، حتي منصة ميتا بعتالك ياباشا وبتقولك خلاص أربط حسابك بقي إنت هتاخد فلوس علي محتواك ووعد لو عاوز حقك وفلوسك خلاص ياعم لو ربط باي بال من أول 25 $ هينزلك لما تحققهم ولو ربط حساب بنكي عينينا بس من أول 100 $ أمريكي.
- قعدت انت تتعب وتسهر الليالي وفي الأخر فلوس بتعد قدامك ومش عارف تقفشها ودلوقتي هتفتح أكيد شات مع الدعم الفني وده هيجيلك منه ردين.
الرد الأول :
أهلا بيك إحنا منصة دعم إعلانات وليس فريق دعم أرباح بص ممكن تدخل علي الروابط التاليه واللي أكيد لو منشئ محتوي أكيد جاتلك.
الرابط الأول دعم عمليات الدفع في فيسبوك لمحققي الأرباح.
الرابط الثاني دعم عمليات الدفع في فيسبوك لمنشئ المحتوي.
الرابط الثالث طعن بخصوص سياسات تحقيق الأرباح للشركاء.
الرابط الرابع دعم العوائد من فيسبوك.
الرابط الخامس دعم عمليات الدفع في فيسبوك لمحققي الأرباح من الوسائط.
بعد لما تبعتلهم عشان يساعدوك هيجيلك رساله مستفزه جدا ان لازم تحقق الشروط اللي انت محققها أصلا وهذا الإثبات من إحدي الأشخاص اللي بعتولنا المشكله بتاعته.
