في هذا المقال لن ندين أو ننتقد تماما موظفي الدعم ، بل إدارتهم ، جميعنا نعلم تماما أن موظفين ميتا ليس لهم حول ولا قوه فا هما مرؤوسين من جهة إدارتهم ، أنا معك عزيزي إنك تقول أن هناك بعض الموظفين إسلوبهم سئ ولكن كلامنا الأن علي الإداره العليا.
* مركز المساعده في وقت كتابة المقال يونيو 2024 :
1- المشاكل الخاصه بالصفحات :
- بالبلدي لما بنفتح مركز المساعده عشان نتواصل مع الدعم بيكون موضح من خلال مركز المساعده الصفحات الخاصه او المرتبطه بالحساب الشخصي ومن خلاله بنقدر إننا نحدد الصفحه ونختار المشكله ونقوم بفتح الدردشه.
- ممكن تكون مشكلة الصفحه حاجه تقنيه مشكله فنيه او اي حاجه بكل إستفزاز نلاقي الموظفين إحنا دعم معلنين مش دعم صفحات ممكن تتواصل مع فريق دعم الصفحات من خلال الرابط التالي.
- حضرتك مديرك ده موجود ليه الشخص اللي بيتعامل مع حضراتكم ده ملوش علاقه بفريق خصوصا لو الشركه مش في دولته عندكم مدير بدل ما هو قاعد كده بيستقبل منكم الشكاوي وخلاص ودايما يقولكم قولوا انكم دعم معلنين بس يتلحلح شويه كده ( طبعا إنتوا مش فاهمين يعني إيه يتلحلح ) يتحرك يعني يا حبيبي.
2- المشاكل الخاصه بمدير الأعمال :
- بنلاحظ ف أخر فتره قفل لمدير أعمال أو شئ أخر بيحصل والكلام ده كله وفجأه كده تيجي تفتح مركز المساعده وتحدد مدير الأعمال وتحدد المشكله وتستني الموظف يدخلك الدردشه وبعد مايدخل الأستاذ وتشرح الموقف يقولك هرجع للفريق الداخلي وطبعا بيوضحلك إنه موظف دعم معلنين وليس دعم مدير اعمال أو صفحات ويجي لحضرتك يغمك في وشك ويمشي ويجيلك الإستبيان.
3- المشاكل الخاصه بالحسابات الإعلانيه :
- طبعا أول ما حضرتك شوفت بقي دعم معلنين وحساب إعلاني هتقول بس يبقي خلاص الحمد لله اننا مش عندنا المشاكل اللي فوق دي وهيحلوا المشكله.
- هنا بقي حضرتك ممكن تكون داخل محدد المشكله في الحساب الإعلاني مثلا الحساب الاعلاني في عطل تقني فا طبيعي هتشتغل ازاي كل الخوارزميات بايظه عندك خالص في الشلاحات ، هتلاقي الموظف هيقولك.
1- مرحبا ( فلان ) معك فلان / فلانه من فريق ميتا برو لدعم المعلنين ( نركز كويس في ميتا برو قال يعني بكلم أيفون 15 برو ماكس ) ، ماعلينا شكرا لتواصلك معنا وسأكون سعيد / سعيده بمساعدتك اليوم الرقم المرجعي لملفك هو 000000000.
2- طبعا حضرتك هترحب بالموظف وهتقوله ان عندك مشكله هيقولك كيف يمكنني مساعدتك.
3- بعد شرح المشكله هتلاقي الموظف بيقولك ( أتفهم أهمية الأمر بالنسبه لك وسأبذل قصاري جهدي لمساعدتك ) ، هنا متفرحش أوي كده كلهم كده ياباشا.
4- تبعت الحساب الاعلاني وتوضح المشكله مثلا وليكن عندك مشكلة إختراق ، هيرد عليك الموظف سأقوم برفع الموضوع للفريق الداخلي لمتابعة الموضوع وتقعد كام يوم ويجي يقولك معلش مفيش أرصده إعلانيه حاليا ممكن تتواصل معانا مره أخري.
- تتواصل معاهم مره أخري تلاقي الموظف بيقولك تمام سأقوم برفع الأمر للمراجعه والقضيه واضحه وليك حق تلاقي بعد ما الوقت يعدي بريد إلكتروني بيقولك إن تمت المراجعه تماما ولم نكتشف إن في إختراق وحقك مش هييجي أصلا غير لما ترخم عليهم.
( بس ملحوظه لما تقعد تفتح نفس الموضوع في نفس اليوم وكل شويه ممكن اصلا يقفلوا ليك الحساب عادي عشان متقرفهمش ، فا حاول تتكلم كل فتره بس متسيبش حقك )
( ملحوظه برضو مهمه ليك لو روحت تقولهم إنك عاوز مساعده بكوبون ولا حاجه يقولولك معلش والله الكوبونات بتكون للاختراق عمليه مسحوبه مرتين وهكذا مع ان اصلا لو ركزت ف مشاكل الاختراق لو انت مش رخم مش هتاخد حق ولا باطل ).
5- تيجي مثلا بقي عندك مشكلة تقنيه يقولك هرفع طلب وهوب متتحلش المشكله ونظرا لأن الحسابات مسبقة الدفع دلوقتي هتضبش بقي وتصرف في الهوا.
- دي بعض المشاكل والحاجات السيئه اللي هتواجهك وللاسف ادارات سيئه جدا ولكن أسئله تدور في دماغنا هنا :
1- فين فريق الجوده اللي بيراجع الكلام ده.
2- فين متابعة المديرين في ميتا ولا سايبين الموضوع كده.
3- لحد امته هتحس بالقهر من الفرق دي
- هنفضل نسأل لحد ما صوتنا يوصل ويكون في حقوق بترجع